Nailigtas ang nasa 23 pasahero ng lumubog ng isang passenger boat sa karagatang sakop ng Infanta, Quezon kahapon.
Ayon sa ulat ng Infanta Police Station, patungong barangay Calasumanga sa Panukulan Polillo Island ang MB Recto nang pasukin ito ng tubig.
Maswerte namang nailigtas ang mga sakay ng MB recto ng isa ring pampasaherong bangkang na Syvel 5 na dumaan sa lugar ng insidente.
Tumagal ng halos isang oras ang pag-rescue sa mga pasahero ng MB Recto bago dumating ang tulong mula sa Philippine Coast Guard at maibalik sa pantalan ang mga ito.
—-