Mananatili ang mga Qurantine Controlled Points sa NCR plus sa pamamagitan ng mas mahigpit na border controls upang maiwasan ang pagkalat ng COVID-19.
Ayon iyan kay Philippine National Police (PNP) Chief P/Gen. Guillermo Eleazar kasunod ng pagpabor ng UP OCTA Research Group na luwagan na ang quarantine restrictions sa NCR at karatig lalawigan.
Sinabi pa ng PNP Chief na susundin pa rin nila ang mga guidelines ng Inter-Agency Task Force (IATF) lalo’t kung may mga pagbabago silang gawin pagdating sa border controls.
Dahil dito, mahigpit pa ring babantayan ng Pulisya ang mga non-essential travel mula sa mga lugar na nasa ilalim ng general community quarantine (GCQ) with restrictions patungo sa mga lugar na nasa Modified GCQ.
Inatasan naman ang mga Pulis na huwag i-delay ang biyahe ng mga essential goods at magsagawa pa rin ng random inspection sa mga sasakyang daraan sa mga QCP’s. -–ulat mula kay Jaymark Dagala (Patrol 9)