Tatlong buwang suspendido ang backchannel talks sa pagitan ng pamahalaan at ng NDFP o National Democratic Front of the Philippines.
Paliwanag ni dating kongresista Hernandi Braganza, negosyador ng pamahalaan para sa back channel talks, layon nitong mabigyang daan ang pagrepaso sa lahat ng mga nilagdaang kasunduan hinggil sa negosasyon.
Subalit paglilinaw ni Braganza, naipabatid na nila sa kampo ng mga komunista ang naturang desisyon at tiniyak nitong nananatili pa ring bukas ang linya ng komunikasyon sa pagitan ng dalawang panig.
Iginiit naman ng Malacañang na dapat magkaroon ng positibong pananaw hinggil sa tatlong buwang suspensyon ng backchannel talks.
Ayon kay Presidential Spokesman Harry Roque, nais muna ni Pangulong Rodrigo Duterte na personal na repasuhin ang mga nilagdaang kasunduan.
Magandang pagkakataon na rin aniya ito ayon sa kalihim para matapos na rin ng gobyerno ang mga public consultations kung dapat pa ba o hindi na ituloy ang pag-uusap.
“Gustong malinaw ng Presidente na sang-ayon siya sa lahat ng mga pinasok na kasunduan ng kanyang mga predecessors.” Pahayag ni Roque
—-