Pulis dinukot ng mga hinihinalang miyembro ng NPA sa Cotabato
Dinukot ng mga hinihinalang miyembro ng NPA o New People’s Army ang isang pulis sa bayan ng Makilala sa Cotabato.
Nakilala ang pulis na si PO2 Briston Catalan na residente ng Barangay Katipunan at nakatalaga sa Makilala Police Station.
Ayon kay Cotabato Police Provincial Office Spokesperson Superintendent Joyce Birrey, si Catalan ay pauwi na mula sa paghatid sa kanyang mga anak sa eskwelahan dakong 6:45 kaninang umaga nang pilit siyang isakay sa motorsiklo ng mga rebelde.
Sa ngayon ay wala pang ipinalalabas na pahayag ang npa kaugnay sa pagdukot sa naturang pulis.
