Pinag-iingat ng Manila Veterinary Inspection Board (VIB) ang publiko sa bibilhing karne ngayong mag-pa-pasko.
Ayon kay Manila VIB Head, Dr. Nick Santos, marami pa ring nakalulusot na bocha o double dead na karneng baboy kaya’t dapat maging mapanuri sa pagbili.
Dapat din aniyang tiyakin na ang mga bibilhing karne ay may permit mula sa National Meat Inspection Service (NMIS).
Patuloy namang nagmo-monitor ang ahensya sa ilang pamilihan sa lungsod upang matiyak kung may nagbebenta ng mga bocha. —sa panulat ni Jenn Patrolla