Sumakabilang buhay na si dating Press Secretary Rod Reyes.
Si Reyes, 80-taong gulang ay una nang isinugod sa Asian Hospital sa Alabang kung saan ito namatay kagabi.
Ang mga labi ni Reyes ay nakalagak sa Manila Memorial Park sa Paranaque City at nakatakda itong ihatid sa huling hantungan sa Lunes.
Si Reyes ay itinuturing na multi-awarded journalist at isang broadcast executive bago naging miyembro ng gabinete nina dating Pangulong Fidel Ramos at Joseph Estrada bilang Press Secretary.
Malacañang
Nakiramay ang Malacañang sa pamilya ni dating Press Secretary Rod Reyes na sumakabilang buhay kagabi.
Ayon sa Malacañang, si Reyes ay isang magaling na journalist at malalim ang coimmitment sa kanyang propesyon.
Kasama ang Palasyo sa nagdarasal para sa dating Press Secretary at sa pamilya nito.
By Judith Larino | Aileen Taliping (Patrol 23)
