Muling pinaalalahan ng lokal na pamahalaan ng Maynila ang publiko na huwag maligo sa Manila Bay dahil sa maruming tubig.
Hinikayat ni manila Mayor Joseph Estrada ang mga Manileño na sa mga pampubliko at libreng swimming pool na lang maligo.
Paalala ni Estrada, hindi ligtas maligo sa Manila Bay at maraming sakit na maaaring makuha lalo’t mataas pa rin ang toxic chemicals at basura rito.
Sinabi ng alkalde na posibleng magkasakit ng dysentery, diarrhea, viral at bacterial gastroenteritis.
Marami rin aniyang lungsod at karatig-lalawigan ang nagtatapon pa rin ng mga basura at waste water sa Manila Bay.
By: Avee Devierte / Aya yupangco
