Sumampa na sa 23,960 ang kabuuang bilang ng mga Pilipino sa abroad na tinamaan ng COVID-19 matapos maitala ang 100 mga bagong kaso.
Sa datos mula sa Department of Foreign Affairs (DFA), umabot na sa 8,348 ang bilang ng mga nagpapagaling sa sakit, kung saan 1,72 dito ay mula sa Asia Pacific, 959 sa Europe, 5,549 sa Middle East/Africa Region at 108 sa Amerika.
Umakyat naman sa bilang na 14,185 ang mga nakarekober sa sakit matapos itong madagdagan ng 47.
Dalawa naman ang nadagdag sa bilang ng mga nasawi kung kaya’t umabot na sa 1,427 ang bilang ng COVID-19 related death sa mga pinoy abroad.
Tiniyak naman ng DFA na sa pamamagitan ng foreign service posts ay patuloy nilang tututukan ang lagay ng mga Pinoy sa ibang bansa. —sa panulat ni Hya Ludivico