Nauwi sa madugong dispersal ang kilos-protesta ng mga magsasaka sa Cotabato-Davao Highway sa Kidapawan City kung saan isa ang nasawi habang 30 iba pa ang sugatan.
Ayon sa mga organizer, kabilang sa mga nasaktan ang isang Sheena Duazo ng Davao City na tinamaan ng bato sa ulo habang inaalam pa ang pagkakilanlan ng nasawi.
Tinatayang 5,000 magsasaka at mga Lumad mula sa Cotabato Province ang naglatag ng human barricade sa highway simula pa noong Miyerkules.
Sinasabing nang dumating si Kidapawan Mayor Joseph Evangelista sa protest site ay doon na sinimulan ang pagbaril sa mga magsasaka.
Giit naman ni Pedro Arnado, Chairman ng Kilusang Magbubukid ng Pilipinas Cotabato Chapter, si Evangelista umano at ang hepe ng pulisya ang nag-utos na i-disperse ang mga raliyista.
By Jelbert Perdez
