Muling naglabas ng bagong panuntunan ang Department of Labor and Employment (DOLE) hinggil sa paglalagay ng tamang bentilasyon sa mga workplace o lugar paggawa gayundin sa pampublikong transportasyon.
Ito’y upang matiyak ang maayos na pagdaloy ng hangin na siyang kinakailangan upang mapigilan na magkahawaan ng COVID-19.
Kabilang sa mga nakasaad sa nasabing panuntunan ang paglalagay ng mga exhaust fan sa mga indoor workplace, mga palikuran gayundin sa water closet.
Para naman sa non-airconditioned spaces, sinabi ng DOLE sa nasabin guidelines na dapat panatilihin nitong bukas ang mga pintuan at bintana upang malayang makadaloy ang hangin.
Sakop ng nasabing panuntunan ang lahat ng commercial at industrial establishments, projects, sites at iba pang mga lugar maliban sa health facilities.