Ikinakasa na ng Commission on Elections (COMELEC) ang pagsasagawa ng special elections sa Mountain Province kasunod ng pagpanaw ng kanilang re-eleksyunistang gobernador.
Ito’y makaraang hindi kilalanin ng poll body ang ginawang pagsa-substitute ni Atty. Kathy Jyll Mayaen – Luis sa kanyang yumaong ama na si Gov. Leonard Mayaen.
Ayon kay COMELEC Spokesman Dir. James Jimenez, labag sa batas ang ginawang pagp-proklama ng board of provincial canvassers kay Mayaen – Luis kayat nangangahulugan na walang gobernador sa nasabing lalawigan.
Gayunman, hindi pa matiyak ni Jimenez kung kailan isasagawa ang special elections dahil kinakailangan pa nilang mag-imprenta ng mga bagong balota na gagamitin dito.
By Jaymark Dagala | Allan Francisco (Patrol 25)