Ilalarga ang pagtaas ng presyo ng produktong petrolyo.
Magpapatupad ng taas presyo ang kumpanyang Caltex, Cleanfuel, Petro Gazz, Ptt Philippines, Shell, Seaoil, at Total, ng P0.30/L ng diesel habang P0.10/L naman ang taas presyo sa gasolina.
P0.30 ang taas presyo ng Cleanfuel sa kada litro ng kanilang kerosene ngunit walang paggalaw sa presyo sa kanilang gasolina.
Una nang nagtaas ng presyo sa petrolyo ang kumpanya ng Caltex kaninang alas-12 ng madaling araw habang mamayang ala-6 ng umaga magiging epektibo ang oil price hike ng kumpanyang Petro Gazz, Shell at Seaoil.
Samantala alas-4 naman ng hapon maga-adjust ang kumpanyang Cleanfuel.
Inaasahan na ring mag-aanunsiyo ang ibang oil companies ng kanilang taas presyo ng petrolyo.
