Kumbinsido ang isang Defense Analyst na mas lalala pa ang problema ng misinformation sa bansa sa harap ng nalalapit na midterm elections.
Ayon kay Professor Renato De Castro, maaaring bahagi ng “cognitive warfare” ang post ng mga social media personality kaugnay sa usaping pulitika, lalo na at may issue sa Exclusive Economic Zone ng bansa.
May malisya aniya ang mga social media post at maaaring suportado ng isang bansa na mayroong resources, at nais na magkaroon pagkakawatak-watak sa bansa.
Dahil dito, pinapaalalahanan ni Prof. De Castro ang publiko na maging maingat at kritikal, sa oras na makakita ng mga social media post.
Matatandaang binatikos ng mga mambabatas ang ilang personalidad na nasa likod ng pagpapakalat ng social media post, na inilarawan bilang bunga ng hindi beripikadong impormasyon.
