Pinag-aaralan ng Malakanyang ang posibilidad ng pagsasagawa ni Pangulong Rodrigo Duterte ng isang live press briefing.
Ito ay upang pabulaanan ng mga espekulasyon kaugnay ng bumabagsak na kalusugan ni Pangulong Duterte kasunod naman ng mismong pahayag nito na malapit na sa stage 1 cancer ang nararanasang Barret’s esophagus.
Ayon kay Presidential Spokesperson Harry Roque, pinag-uusapan na nila ang posibilidad ng live press briefing ng Pangulo.
Sakali aniyang matuloy ito, magiging katulad pa rin ito ng kasalukuyang format ng mga press briefing na isinasagawa virtually.
Muli ring tiniyak ni Roque na sumusunod ang Pangulo sa isinasaad ng konstitusyon kung saan kinakailangang ipalabas nito ang kondisyon ng kanyang kalusugan kung mayroon itong seryosong sakit.
Samantala, idinepensa naman ni Roque ang pag-eere ng edited nang talumpati ng Pangulo sa gitna ng COVID-19 pandemic.