Walang humpay ang police visibility operations sa iba’t-ibang panig ng Metro Manila.
Sa panayam ng DWIZ, sinabi ni NCRPO Director Chief Supt. Oscar Albayalde na nasa ‘full alert’ pa rin sila at partikular na tinututukan ang mga vital facilities.
Ayon kay Albayalde, todo ang pagbabantay nila sa LRT, MRT, pantalan, paliparan at mga bus terminal.
Nilinaw din ng MCRPO Chief na wala pa rin silang natatanggap na intelligence report hinggil sa posibleng banta ng terorismo sa kalakhang Maynila.
Tiniyak din ng opisyal na lahat ng mga nakakalap nilang impormasyon ay ginagawan nila ng aksiyon.
By: Jelbert Perdez
