Nagkasa na ng full alert status ang Philippine National Police sa Region 10 o sa bahagi ng Northern Mindanao.
Sa gitna na rin ito nang patuloy na labanan ng mga sundalo at grupo ng isanb indonesian terrorist sa Butlig, Lanao Del Sur.
Sinabi ni PNP-Region 10 Spokesman Supt Surki Serenas na ipinatutupad nila ang full alert para hindi na kumalat pa ang bakbakan.
May mga naka umang na aniya silang hakbangin para maiwasan ang spill over ng naturang sagupaan sa ibang bahagi ng lalawigan o kalapit lalawigan. Kabilang dito ang augmentation force mula sa regional public safety batallion na handang rumesponde kung kinakailangan.
Tiniyak din ni Seneras ang mahigpit na koordinasyon sa kanilang counterpart sa ARMM-PNP at maging sa AFP.
By: Judith Larino
