Isang lalaking pinaniniwalang biktima ng summary execution ang natagpuan sa Talisay City, Negros Occidental.
Kinilala ang biktimang si Jeffrey Buencuchillo, trenta’y tres anyos na nagtamo ng multiple gunshot wounds at nakagapos nang marekober sa purok Tumpok, Barangay Zone 15.
Nakita rin sa crime scene ang karatolang may nakasulat na “ako ay akyat bahay, kawatan, adik, huwag ninyo akong tuluran dahil kayo rin ang susunod na papatayin.”
Ayon kay Negros Occidental Police Director, Senior Supt. William Señoron, huling nakita si Buencuchillo ng kapatid nito noong Miyerkules ng gabi kasama ang tatlong iba pang lalaki sa shopping center sa Bacolod City.
Itinanggi naman ni Señoron ang mga ulat na mayroong gumagalang “vigilante group” na posibleng nasa likod ng pamamaslang.
By: Drew Nacino
