Nagbanta si Pangulong Rodrigo Duterte na kaniyang ipapatigil ang online cockfighting o E-sabong kung mapapatunayang may kinalaman sa nangyayaring iligal na aktibidad sa bansa.
Sa naging talumpati ng pangulo sa dinaluhang groundbreaking ng Overseas Filipino Workers (OFW) center sa Las Piñas City, kaniyang inatasan ang mga otoridad na paigtingin ang imbestigasyon kaugnay sa pagkawala ng mga sabungero kamakailan.
Matatandaang sa naunang pahayag ng pangulo, kaniyang sinabi na hindi niya ipapatigil ang operasyon ng E-sabong dahil malaki ang naipapasok nitong pondo sa pagpapataas ng ekonomiya ng bansa at bilang tugon sa COVID-19 response. – sa panulat ni Angelica Doctolero