Tatlumpu’t pito (37) pang tauhan ng Philippine National Police (PNP) ang nagpositibo sa coronavirus disease 2019 (COVID-19).
Dahil dito ay sumampa na sa 1,335 ang kabuuang bilang ng kaso ng virus sa hanay ng PNP.
Batay din sa tala ng pulisya, nadagdagan ng 36 ang mga pasyenteng gumaling na mula sa COVID-19, habang nananatili naman sa siyam ang mga nasawi dahil dito.
Sa kasalukuyan ay mayroong 1,391 suspect COVID-19 cases at 640 probable cases sa PNP.
Patuloy naman ang paalala ng PNP sa kanilang mga tauhan na kaagad na makipag-ugnayan sa PNP Heath Service sakaling makaramdam ng anumang sintomas ng COVID-19.
