Inamin ni PNP Chief Director General Ronald Dela Rosa na hindi nila maipapangako na hindi makakapasok sa Metro Manila ang mga Terorista.
Sa kabila nito, sinabi ni Dela Rosa na kasama ang militar at lahat ng ahensya ng gobyerno, ginagawa nila ang lahat ng kanilang makakaya para hindi ito mangyari.
Pinayuhan din ni Dela Rosa ang mga nakatatanggap ng mensahe ng bomb threat na huwag mag-panic at huwag na itong ipasa pa sa iba.
Tinitiyak aniya niya na kapag nakatanggap sila ng kumpirmadong banta sa Metro Manila, agad nila itong ipararating sa publiko sa pamamagitan ng mga lehitimong media at hindi sa pamamagitan ng text message.
By: Meann Tanbio / (Reporter No. 31) Jonathan Andal
