Aabot na sa 1.6 billion pesos ang naitalang pinsala sa mga gusali bunsod ng magnitude 7 na lindol na sumalanta sa Abra noong ika-27 ng Hulyo ayon sa National Disaster Risk Reduction and Management Council (NDRRMC).
Sa kanilang situational report, sinabi ng NDRRMC na nasa P1,593,861,827.11 na ang kabuuang pinsala ng mga gusali Sa Ilocos Region, Cagayan Valley, at Cordillera Administrative Region (CAR).
Pumalo naman sa 136,612 na pamilya ang apektado sa 1,329 na barangay sa Ilocos Region, Cagayan Valley, at CAR.
Habang nasa 368 na pamilya naman ang nananatili sa 20 evacuation centers.
Samantala, nasa 29 siyudad naman ang nagdeklara ng state of calamity bunsod ng nakaraang lindol. – sa panulat ni Hannah Oledan