Inihayag ng Department of Agriculture (DA), na nasa P265.3-M ang halaga ng pinsala at pagkalugi sa sektor ng agrikultura bunsod ng pananalasa ng bagyong Agaton.
Ayon sa DA, aabot sa 3,060 na ektarya ng lupain sa Eastern Visayas at Caraga ang pinadapa ng bagyo.
Apektado naman ang nasa 2,132 na magsasaka matapos masayang ang 16, 532 metrikong tonelada ng ibat-ibang produkto kabilang na dito ang palayan, maisan at high value crops.
Dahil dito, magbibigay ng tulong ang DA sa mga apektadong mangingisda at magsasaka kung saan, mamamahagi sila ng bigas, mais, ibat-ibang klase ng gulay at mga gamot.
Maglulunsad din ng programa ang pamahalaan at naglaan narin ng pondo mula sa Philippine Crop Insurance Corporation (PCIC) at Quick Response Fund (QRF) bilang rehabilitasyon sa mga apektadong lugar.