Sapat ang paghahanda ng gobyerno para makontrol ang pagpasok sa bansa ng bagong coronavirus variant sa bansa na dahilan nang pagsirit pa ng kaso ng virus sa India.
Binigyang diin ito ni Dr. Michael Tee, fellow ng OCTA Research Group matapos magpositibo sa COVID-19 ang anim na pilipinong nanggaling sa India.
Ayon kay Tee handa naman ang bansa dahil naikasa ang border control measures bukod pa sa inihandang quarantine at isolation facilities para sa mga bumabalik na Pinoy.
Gayunman sinabi ni Tee na dapat mahigpit na manatili sa isolation facilities ang mga bumabalik na Pilipino para maiwasan ang magkaruon ng hawahan.
