Napag-alamang hindi bomba ang nasa loob ng isang garbage bag na pinagdudahan na ilang residente ng Makati City.
Batay sa report ng Makati City Police, mga maruruming disposable baby diapers, iba’t-ibang klase ng mga basura, at mga boteng plastic lamang ang laman ng itim na garbage bag.
Natagpuan ng isang street sweeper ang naturang itim na garbage bag sa EDSA Northbound lane malapit sa Alphaland, Barangay Magallanes, Makati City mag-aalas 7:00 ng umaga kahapon.
Agad na rumosponde ang mga tauhan ng Makati City Police matapos matanggap ng Makati Tactical Operation Center ang tawag kaya agad napawi ang pagkaalarma ng mga residente.
By: Avee Devierte / Allan Francisco
