Aabot na sa mahigit 40 milyong Pilipino ang fully vaccinated na kontra Covid-19.
Ayon kay acting Presidential Spokesperson Karlo Nograles, nasa 43 milyon na ang fully vaccinated habang mahigit 56 na milyon naman ang nakatanggap ng unang dose ng bakuna.
Tinatayang nasa mahigit isang milyon naman ang nakatanggap ng kanilang booster shot.
Inaasahan naman ng pamahalaan na maaabot nila ang target na bilang sa 2nd round ng bayanihan, bakunahan program habang sisimulan naman ang naturang programa sa ibang lugar na apektado ng Bagyong Odette sa December 19 hanggang 22.
Una nang sinabi ng gobyerno na target nila na mabakunahan ang nasa mahigit 50 milyong indibidwal kontra covid-19 bago matapos ang taong ito.
