Pilipinas walang planong kumalas sa Qatar

Mananatili ang diplomatikong ugnayan ng Pilipinas at Qatar.

Ito ayon kay Labor Secretary Silvestre Bello III ay sa kabila ng pagkalas ng ibang Arab nations sa kanilang sa diplomatic relation sa Qatar.

Ayon kay Bello, walang dapat ipag-alala ang publiko sa magandang relasyon ng dalawang bansa.

Hindi aniya makakaapekto ang nangyayaring Middle East diplomatic crisis sa relasyon ng Pilipinas at Qatar.

Una nang pinutol ng United Arab Emirates, Saudi Arabia, Bahrain at iba pang bansa sa Middle East ang kanilang relasyon sa Qatar kasunod ng alegasyong sinusuportahan nito ang teroristang grupong ISIS.

By   Krista de Dios / with report from Aya Yupangco (Patrol 5) 

Comments

comments