Pinagsusumikapan na ng PhilHealth na makabayad ng claims ngayong buwan sa ilang pribadong ospital na pinagkakautangan nito.
Ayon kay PhilHealth Corporate Communications Senior Manager Rey Baleña ginagawa na ng ahensiya ang mga makakaya nito upang makapagbayad.
Sinabi ni Baleña na mababayaran na nila agad ang atrasong utang sapagkat pinakikilos na nito ang lahat ng dapat pakilusin
Ani pa ng tagapagsalita, sapat ang pondo ng PhilHealth na nakalaan sa unclaimed claims.
Dagdag pa nito, nagkausap na raw sina PhilHealth President Dante Gierran at PHAPI President Dr. Jose Rene De Grato upang maresolve ang nasabing isyu. —sa panulat ni Joana Luna
