Tinawag na premature ng House Committee on Justice ang inihaing resolusyon ng Senado na kumukuwestyon sa naging desisyon ng Supreme Court en banc.
Ito’y kaugnay ng ginawang pagpabor ng mga mahistrado sa inihaing quo warranto petition ng Solicitor General laban kay dating Chief Justice Maria Lourdes Sereno.
Ayon kay Committee Chairman at Mindoro Representative Reynaldo Umali, nasa Kamara pa rin aniya ang bola lalo’t hindi pa naman napagbobotohan sa plenaryo ang ginawa nilang committee report.
Paliwanag ni Umali, saka lamang maaaring pumasok ang Senado sa usapin kung hawak na nito ang ulat mula sa Kamara partikular na ang Articles of Impeachment na siyang kinakailangan para umusad ito.
—-
