Kinumpirma ni Philippine Army Spokesman Colonel Benjamin Hao na may pakikipag-ugnayan na siyang muli sa Pamilya Marcos kaugnay ng paglilibing kay dating Pangulong Ferdinand Marcos sa Libingan ng mga Bayani.
Nagkausap na, aniya, sila ng isa sa magkakapatid na Marcos.
Gayunman, wala pa aniyang desisyon ang buong pamilya Marcos kung kailan ililibing ang dating Pangulo.
Nag-uusap-usap pa, aniya, ang magkakapatid at kanilang inang si dating unang ginang Imelda Marcos para sa detalye ng libing.
Samantala, nilinaw ni Hao na bukod sa army, mayroon ding nakatalagang protocol officer mula sa panig ng general headquarters sa kampo Aguinaldo para makipag ugnayan sa mga Marcos.
By: Avee Devierte / Jonathan Andal
