Tukoy na ng Philippine National Police (PNP) ang person of interest sa pagpatay sa mamamahayag na si Jesus “Jess” Malabanan.
Gayunman, tumanggi si PNP Chief, Gen. Dionardo Carlos na pangalanan ang posibleng may kinalaman sa krimen.
Lumalaki anya ang posibilidad na ang motibo sa pamamaslang kay Malabanan ay personal sa halip na may kaugnayan sa trabaho.
Tiniyak naman ni Carlos na nagpapatuloy ang Task Group Malabanan sa imbestigasyon nito upang matukoy ang tunay na motibo sa krimen at mga nasa likod nito.
Disyembre a–8 nang pagbabarilin ng riding-in-tandem si Malabanan sa kanyang tindahan sa Barangay San Joaquin, Tinambacan District sa Calbayog City, Samar.