Handa si Pangulong Rodrigo Duterte na kausapin ang kanyang kaibigang si Russian president Vladimir Putin, upang pakiusapan na kontrolin ang mga sundalo nito sa gitna ng digmaan sa Ukraine.
Ito ang inihayag ni Pangulong Duterte sa gitna ng kaliwa’t kanang human rights violations at kinakaharap na war crimes ng Russian, dahil sa pagpatay sa libu-libong sibilyan.
Tila wala anyang plano si Putin na tuldukan ang digmaan pero aminadong naaawa siya sa sinasapit ng mga sibilyan sa Ukraine dahil sa walang kontrol na pagpatay ng mga sundalong Russo.
Samantala, nilinaw ng Punong Ehekutibo na hindi naman siya maaaring ikumpara kay Putin sa dami ng mga ipinapatay.