Inamin ni Pangulong Ferdinand Marcos Jr. na bumagsak ang tiwala ng publiko sa proseso ng implementasyon ng mga flood control projects ng pamahalaan.
Ito’y dahil aniya sa patong-patong na anomalya sa mga proyekto sa iba’t ibang lugar sa bansa.
Ngunit kumpiyansa ang Pangulo na ang unang hakbang na ito—o ang paglulunsad ng DPWH Transparency Portal—ay magiging simula ng pagbalik ng tiwala ng mga Pilipino sa pamahalaan.
Paliwanag pa ni Pangulong Marcos, bagama’t ito pa lamang ang simula ng reporma, patuloy na magpapatupad ang pamahalaan ng mga hakbang para masiguro na hindi na mauulit ang nakaraang mga anomalya.
—Sa panulat ni Anjo Riñon
