Personal na binisita ni Pangulong Ferdinand Marcos Jr. ang Pinaslakas vaccination site sa isang mall sa lungsod ng Maynila.
Kasabay ni Pang. Marcos sina Department of Health (DOH OIC) Undersecretary Maria Rosario Vergeire, Manila Mayor Honey Lacuna at si SM Supermalls President Steven Tan na nagtungo sa vaccination site.
Dumalo rin sa aktibidad na ito ang anak ng pangulo na si Congressman Sandro Marcos at DILG Secretary Benhur Abalos.
Maliban sa pagbibigay ng talumpati, nagsagawa din ang Chief Executive ng tour and inspection sa nagpapatuloy na vaccination drive ng pamahalaan sa SM Manila.
Ito na ang ikalawang pagkakataon na ininspeksyon ni pangulo ang site ng Pinaslakas vaccination campaign ng DOH.
Matatandaang unang nagtungo si PBBM sa Pinaslakas vaccination site sa Pasig City.
Dito, iginiit ng pangulo ang importansya ng pagpapaturok ng bakuna partikular na ng booster shot.
Kasabay nito, sabay na tumanggap ng ikalawang booster shot ang punong ehekutibo at ang kanyang anak na si Congressman Sandro Marcos.
