Determinado si Congressman Toby Tiangco na mailusot ang panukala niyang no work no pay bill para matuldukan na ang absenteeism sa Kamara.
Iginiit ni Tiangco na layon lamang ng kanyang panukala na maging tapat ang mga kongresista sa kanilang sinumpaang tungklin at hindi siraan ang institusyon ng Kamara.
Sinabi ni Tiangco na hindi nababayaran ang isang ordinaryong manggagawa kung hindi magtatrabaho kayat walang dahilan para magkaroon ng ibang sistema sa mga kongresista.
Ang sahod aniya nilang mga mambabatas ay galing sa buwis ng publiko kayat dapat ay no work, no pay sila kapag lumiban sa sesyon.
By Judith Larino