Lusot na sa House Ways and Means Committee ang panukalang mag-re-regulate sa paggamit ng industrially-produced trans fatty acids mula sa mga food chain,
Layunin nitong isulong ang malusog, malinis na pamumuhay at maiwasan ang mga malalang sakit.
Ang House Bill 9083 at apat na iba pang kaugnay na panukala ay pinagsama sa isang substitute bill na inaprubahan ng kumiteng pinamumunuan ni Albay 2nd District Rep. Joey Salceda.
Ang pagkonsumo ng high trans fat ay nagdudulot ng pagbara ng cholesterol sa mga ugat at nagiging sanhi ng iba’t ibang sakit sa puso, tulad ng coronary heart disease na kadalasang nauuwi sa kamatayan.
Ang coronary heart disease ang pangunahing sanhi ng kamatayan sa buong mundo, na mayroong 34% mortality risk at isa sa comorbidity ng COVID-19.
Kilala rin ang trans fat bilang trans-unsaturated fatty acids na matatagpuan sa karne, milk fat, mantikilya at cooking oil.