Inihain na ni Senate President Vicente Sotto III ang panukalang batas na nagsusulong sa Tax Reform Acceleration and Inclusions o TRAIN package 2.
Sa ilalim ng Senate Bill Number 1906 o tinawag na Corporate Income Tax and Incentives Reform Act, nakatakdang i-review at i-rebisa ang mga umiiral na batas na ipinatutupad ng gobyerno sa mga negosyo at kumpanya.
Sinabi ni Sotto na sa ilalim ng TRAIN 2 ay target na mapababa ang income tax mula sa 30 ay gagawin itong 25 percent.
Una nang nagpahayag ng pag-aalinlangan ang ilang senador sa pagsusulong ng TRAIN 2 dahil na rin sa pagtaas ng inflation rate na idinulot naman ng TRAIN 1.
—-
