Naniniwala si Bagong Alyansang Makabayan chairman at dating Bayan Muna partylist Rep. Teodoro “Teddy” Casiño, na posibleng tumagal ang imbestigasyon ng Independent Commission for Infrastructure sa ma-anomalyang flood control projects.
Ito, ayon kay Chairman Casiño, ay dahil hahalukayin ng komisyon ang lahat ng mga proyektong hinihinalang balot ng anomalya sa nakalipas na sampung taon.
Sa panayam ng DWIZ, ipinunto ng dating kongresista na tatlong opisyal lamang aniya ang bumubuo sa I-C-I at limitado rin ang kapangyarihan nito para papanagutin ang mga sangkot, hindi tulad ng Office of the Ombudsman na dapat sanang manguna sa imbestigasyon at maghain ng mga kaso.
