Tinawag ni House Deputy Minority Leader Leila de Lima na “milestone” ang pagsasapubliko ng mga kaso ni dating Pangulong Rodrigo Duterte sa International Criminal Court sa hangaring panagutin siya sa mga krimen na kanyang ginawa.
Ayon kay Rep. De Lima, ang pagsasapubliko ng mga kaso ng dating pangulo ay isang paraan para makamit ng mga pamilya ng mga pinatay sa “war on drugs” ang katarungan.
Dagdag pa niya, hindi pinakinggan ni Duterte ang mga babala laban sa kanya, at ang kanyang paglilitis ang kinahinatnan ng kanyang desisyon.
Matatandaang kinasuhan siya ng I-C-C prosecution team ng tatlong kaso ng “crimes against humanity” sa mga patayang nangyari noong siya ay alkalde ng Davao City, noong naging pangulo siya, at ang mga namatay dahil sa “Oplan Tokhang.”
