Lumatang sa Manila Police District o MPD ang isang panibagong testigo kaugnay sa kaso ng UST o University of Santo Tomas Law student na si Horacio Tomas “Atio” Castillo III na nasawi sa hazing.
Ayon sa MPD nais munang maging pribado ng testigo ang kaniyang pagkakakilanlan.
Batay naman umano sa naging salaysay ng testigo nasaksihan niya ang mga kaganapan sa labas ng fraternity library ng Aegis Juris bago isugod ng mga ito si Atio sa ospital.
Nakita umano niyang may isinakay sa pulang Mitsubishi Strada ang isang nakabalot sa kumot kung saan litaw ang paa nito.
Makalipas naman ang ilang minuto ay may isang lalaki ang nagbaba ng roll up door ng frat library at nagmadaling umalis.
Positibo naman ang MPD na malaki ang maitutulong ng bagong testigo sa imbestigasyon sa naturang kaso.