Nanawagan ang pamilya Pastor sa agarang ikadarakip ng puganteng si Dahlia Guerrero Pastor.
Ito’y makaaraang makumpirma ng pamilya na nasa Indonesia si Dahlia at gumagamit ng mga pekeng dokumento.
Ayon Ginang Remy Pastor, ina ng pinaslang na race car driver na si Ferdinand Enzo Pastor, hiniling nila ang tulong ng Indonesian Embassy sa Pilipinas para tumulong sa pakikipag-ugnayan upang agad madakip si Dahlia.
Sinasabing nagtatago si Dahlia sa nabanggit na bansa gamit ang pangalang Amanda Cruz na ngayo’y Amanda Maragit matapos makapangasawa ng Indonesian national.
Si Dahlia ang itinuturong mastermind at suspek sa pagpatay sa kanyang asawang si Enzo Pastor isang taon na ang nakalilipas.
By Jaymark Dagala
