Pangulong Duterte rumesbak sa mga pahayag ni Joma Sison

Niresbakan ni Pangulong  Rodrigo Duterte  si Communist Party of the  Philippines  Founder Jose  Maria  Sison matapos  siyang  tawaging “bully”  at isinasangkalan umano ang  New  Peoples  Army sa  hirit  na  extension ng  martial law.

Sa  kanyang  talumpati sa Davao Investment Conference sa Davao City na  hindi nagkamali si Sison sa pagtawag sa  kanya  ng  “bully”  dahil  binu-bully  niya  ang  mga  kalaban at  grupong  gustong  magpabagsak sa  gobyerno dahil ito ang  kanyang  trabaho.

Ayon kay Pangulong  Duterte, may nagaganap na  giyera sa  Marawi City  at sinasabayan naman ng  New People’s  Army  ang  pagpatay sa mga  sundalo at  pulis.

Iginiit ng Pangulo na  pagod  na siya sa  mga  komunista  dahil parang  wala ng ginawang  maganda ang  gobyerno  at nagsasayang  lang  ng  panahon kaya’t  itigil na  ang  pakikipag-usap  at  simulan  ang  bakbakan.

By: Drew Nacino  / Aileen Taliping

Comments

comments