Muling pinawi ng Armed Forces of the Philippines o AFP ang pangamba ng taongbayan sa pag-atake ng mga terorista sa bansa.
Ayon kay Brigadier General Bienvenido Datuin, Spokesman ng AFP, sa ngayon ay wala pang kakayahan ang mga teroristang nasa bansa na makapaghasik ng terorismo.
Gayunman, lagi aniyang handa at patuloy na pinaghahandaan ng AFP ang posibleng pag-atake ng mga terorista.
Samantala, nilinaw ni Datuin na patuloy pa ring bineberipika ng militar kung totoong si Abu Dar na bagong lider ng Maute Group ang bagong emir ng ISIS sa Southeast Asia.
“Alam naman natin ‘yan from the start, they are recruiting and reorganizing but hindi pa nila kaya ‘yung wide scale attack, terror activities and atrocities as of this moment, and these are the activities that we are preempting ngayon, may mga joint task force tayo na sinet-up, kinakausap din natin ang PNP na mag-set up sa urban areas kung saan maraming tao.” Paliwanag ni Datuin
(Balitang Todong Lakas Interview)
