Tinutulan ng Department of Social Welfare and Development ang panawagang babaan ang minimum age of criminal responsibility, kasabay ng pagdiriwang ng Juvenile Justice and Consciousness Week ngayong linggo.
Ayon kay DSWD Assistant Secretary Zabedin Azis, kasama nila sa pagkondena sa nasabing mungkahi ang Juvenile Justice and Welfare Council at iginiit na hindi ito ang solusyon.
Nagsimula ang Juvenile Justice and Welfare Consciousness Week na may temang “JJWA: Bata’y May Pananagutan, Gabay at Kalinga ang Kaagapay” kahapon, Nobyembre a-bente kwatro at magtatapos sa Biyernes, Nobyembre a-bente otso.
Naniniwala si Asec. Azis na sa halip na babaan ang M.A.C.R., mas mainam kung palalakasin ng pamahalaan ang rehabilitation efforts at suportahan ang mga pamilya at komunidad.
Sa kasalukuyan, kinse-anyos ang M.A.C.R. sa Pilipinas.
