Muling nagpa-alala ang pamunuan ng Metro Rail Transit 3 na wala munang biyahe simula ngayong araw Miyerkules Santo hanggang sa Linggo ng pagkabuhay.
Ito umano ay para bigyang daan ang kanilang isasagawang maintenance.
Samantala, batay sa pinakahuling impormasyon mula sa Department of Transportation ay naibalik muli sa 13 tren ng MRT ang buma-biyahe.
Magugunitang naging siyam na lamang ang tren ng MRT kahapon matapos ang magkasunod na aberyang naranasan ng mga mananakay kung saan halos 800 pasahero ang pinababa sa Cubao station southbound dahil sa electric failure ng motor ng tren.
Inaasahan umanong madadagdagan pa ang ba-byaheng tren pagkatapos ng Semana Santa.
