Muli na namang kinilala ang ganda ng Pilipina…
Matapos magwagi ang Pilipinas sa Miss Universe pageant noong Disyembre, nasungkit naman ngayon ng pambato ng Pilipinas na si Francesca Taruc ang korona bilang Miss Tourism 2019 Intercontinental.
Idinaos ang naturang pageant sa Nanjing, China kagabi.
Maliban sa korona, ginawaran din si Taruc ng Best Body Special Award.
Itinanghal naman bilang 1st Runner-Up ang pambato ng Tatarstan at 2nd Runner-Up naman ang kinatawan ng Ukraine.
Si Francesca ay Tubong Pampanga at apo ng supremo ng HUKBALAHAP o Hukbong Bayan Laban sa mga Hapon na si Luis Taruc.
—-
