Patay makaraang pagbabarilin ng mga hindi nakilalang salarin ang pamangkin ni dating Agriculture Secretary Proceso Alcala, sa Lucena city, Quezon.
Ayon kay Supt. Reynaldo Maclang, hepe ng Lucena city police, pasado ala 6:30 kagabi nang pagbabarilin ang biktimang si Arlene Alcala, 38 anyos habang lulan ng kanyang sasakyan, sa barangay Ilayang iyam.
Si Arlene ay asawa ni Sahjid Alcala, pamangkin ng dating kalihim ng D.A.
Magugunita noong Setyembre ng isang taon nang halughugin ng mga pulis ang bahay ni Arlene San Juan Estate sa Barangay Isabang, Tayabas City kung saan nakarekober ng anim na sachet ng shabu, marijuana seeds, mga magazine ng baril at mga bala ng caliber 45 pistol.
Gayunman, nakalaya ang biktima makaraang magpiyansa habang nakapiit ang kanyang mister sa Pagbilao District Jail dahil sa mga kasong may kinalaman sa iligal na droga.
