Inaasahan na ng pagtaas ng presyo ng ilang mga produkto partikular na ang hamon de bola ngayong papalapit na ang kapaskuhan.
Ayon kay Laban Konsyumer Incorporated President Vic Dimagiba, karaniwang pataas nang pataas ang presyo ng mga bilihin tuwing ber-months at holiday season.
Bunsod na rin aniya ito ng pagtaas sa kapasidad ng mga tao na gumastos dahil sa inaasahang extra na kita tulad ng matatanggap na 13th pay.
Una nang pinangangambahan ng Philippine Association of Meat Processors Incorporated (PAMPI) na malaki ang magiging lugi ng processed meat industry sa bansa dahil sa takot sa African Swine Fever (ASF).
