Ikinalungkot ni Vice President Jejomar Binay ang paglagda ni Senadora Grace Poe sa report ng Senate Blue Ribbon Sub Committee.
Ito’y ang pagrerekumenda ng nasabing komite ng pagsasampa ng kaso laban sa Pangalawang Pangulo dahil sa mga usaping katiwalian na kinasasangkutan nito.
Ayon kay Atty. Rico Quicho, tagapagsalita ni Binay, tila pinapanigan ng senadora ang mga umuusig kay Binay gayundin sa pamilya nito at sa mga inosenteng tao na may koneksyon sa kaniya.
Iginiit ni Quicho na dapat binasa ni Poe ang isinumite nilang affidavit noong Nobyembre ng isang taon na naglalaman ng paliwanag kung bakit walang basehan ang mga paratang laban kay Binay ngunit binalewala lamang ito ng mga senador.
Dagdag pa ni Quicho, hindi dapat nilagdaan ni Poe ang nasabing committee report dahil kawalan ng respeto sa batas ang nilalaman nito.
By Jaymark Dagala | Kevyn Reyes
