Naghahanda na ang lokal na pamahalaan ng Iloilo upang simulan ang “Hog repopulation” sa mga red zone areas bunsod ng African Swine Fever sa probinsya.
Ayon kay Iloilo Governor Arthur Defensor Jr., ito ang hakbang para palakasin ang biosecurity measures sa mga apektadong lugar.
Batay sa datos ng Office of the Provincial Veterinarian, aabot sa 2,139 na mga baboy ang namatay dahil sa kaso ng ASF.
Nakipag-ugnayan naman ang gobernador sa Department of Agriculture Bureau of Animal Industry at mga provincial at municipal veterinarians upang talakayin ang plano.
Kasabay ito sa layunin ng pamahalaan ng Iloilo na mapalitan ang mga namatay na baboy para sa sapat na suplay nito sa mga munisipalidad. —sa panulat ni Jenn Patrolla
