Nagsagawa ng inspeksyon ang mga opisyal ng gobyerno sa mga cold chain facility na ikinukonsiderang pag-imbakan ng mga bakuna kontra COVID-19 na aangkatin ng Pilipinas.
Pinangunahan ni Vaccine Czar Carlito Galvez Jr. at Health Secretary Francisco Duque III ang inspeksyon ng cold storage facility ng Unilab Inc. sa Biñan, Laguna.
Mayroon itong temperaturang 2 °C hanggang 8 °C at kayang mag-imbak ng nasa 15 milyong dose ng COVID-19 vaccine.
Maaari itong magamit sa mga bakuna ng AstraZeneca, Sinovac, Novovax at Johnson and Johnson.
Mas malamig naman ang storage facility ng Research Institute for Tropical Medicine sa Muntinlupa City at Zuelling Pharma Corporation sa Parañaque City.
Angkop ang mga pasilidad na ito para sa bakuna ng Pfizer na nangangailangan ng 70°C at Moderna na 20°C
Dahil dito, kumpiyansa ang gobyerno na mayroong sapat na cold chain facility ang bansa pagdating ng mga bakuna kontra COVID-19.